又話說，覆完診第2日照常返工，仲有一個星期先放產假，好唔捨得班同事ar~
中午食完飯，去完大大，爽!!! 好似話大肚婆好易有便秘，好在無:p，如果唔係就真係肚滿腸肥lu，得意忘形+雲遊太虛之際，望一望張tissue....點解紅色既?! 37周見紅......戰戰兢兢走去話比周事知，佢地竟然個個都好開心:
「嘩~ 好yea, 恭喜哂ar!!!」
「 快d執野，去醫院la!．」
「你可能今日就生得架la, 食左個蛋tart先走」
「我幫你send email比老闆架la」
「走la, 我陪你去的士站，有無$$ar?」
忽然間，有5張紅衫魚游左係小小面前~~~~~ 就係咁小小就被塞左上的士，過海入左QE
塞車時，人開始冷靜，加上又feel到义燒同平時一樣係入面腳踢踢，心諗唔會咁早生呱...
去到醫院，小小媽陪上去產房，姑娘檢查一輪後，好溫柔咁講:「bb都夠重出黎架la，不過就未到哂盤骨，你今晚係度過一晚la，唔好返屋企住lah~」
「吓! 食炸糊仲要扣留24小時~」天!!! 由細到大都未訓過醫院架，無論我點扁嘴，都係改變唔到，唉~ 入院就入院la~ (過一晚當視察環境，遲d要住3日，睇下有咩真係要帶都好)
6點，嬸嬸們派飯，小小媽叫我食兩啖....真係無胃口...比起中午個蛋tart....d飯飯....>.<
姐姐，師父，同佬佬黎左探我，外賣! 一定要帶外賣ar~ 探病時間係6-8pm, 佢地黎到都8點幾，入唔到病房，唯有坐走廊，嘆炒蛋多+燉蛋白。 哈~都好，反正婦產病房無王管，梗係啦，如果你生得既話，仲點會有力四周咁走wor...買埋本書仔，check埋email，me me mo mo 返上病房沖涼
第2日，打鑼咁早就醒左，食完個早餐 >.< 醫生黎話今日都無動靜的話，5點鐘小小就可以返屋企。就係咁，小小又走來走去，去便利店買報紙，去pacific cafe check email，返房睇下電視，傾下msn，再去check email，講下電話，漫長的24小時終於都完了。 為了補償，出院個晚我捉了黎佬佬去食sushi ^^，星期6捉班sis去飲茶，夜晚捉姐姐佢地去唱k，星期日去睇埋 [翻生侏羅館2]
...平衡平衡
111
(From MaggieMarket, thx)
