爸爸與我

從小到大，我總是覺得我與爸爸的關係密切一點，原因可以有很多，比如我是家中最細，特別得寵，或許是媽媽對我們較嚴謹，事事跟足，爸爸總可以 "置身事外"，嚕嚕囌囌的角色永不用演，但對女兒的苛求又可以 "有求必應"(這亦是多數父親的腳色)，gender difference on parenting 的精髓~

又或者，我同媽媽都係 "炮竹頸"，郁下都發脾氣，對爸爸應是有多點無法言喻的耐性，俗語話有緣...

上星期，狗狗又要做手術，爸爸二話不說就陪我同狗狗去診所，每一步都照顧周到，安頓好狗狗，兩父女一同回家，途中，我忽然間鼻子發酸 :"老豆，其實你真係好叻，咁多年黎，屋企得你一個男人，服待哂3個女人，而家計埋狗狗就係4個喇!" 老豆即刻面紅道 :"冇法啦!" 聽得出他的心在笑，我不自覺地將手輕輕拍左佢肩膀幾下，兩父女原來好少咁親近，老豆平時既你真係太怕羞喇~