雲上的日子

過了...過了...

黎生出左院都個多星期了, 身體正在慢慢地康復中，大家可以好好放心 ^^

我們都答應了對方要好好地盡責任，我把义燒湊得肥肥白白，佢要注意飲食，保重好身體~ 希望一切都順利啦~

做了黎太大半個月(其實係唔多記得, 除左醫院打電話: 「黎太, 麻煩你黎找埋黎生條數!」之外)，真的多謝身邊所有人，你地所做既對小小直頭係無言感激~ 天下間人情債真係最難還...

我會幸福的, 你地放心!!!
.........

义燒爸50/50

話說义燒爸做完腦外科手術都成9個幾月 (那時义燒在小小肚入面仲係粒潤咁大 =v= )



事後的9個月，做手術後第一次磁力共震(MRI), 照到有dd陰影，國手馮大夫提議入院做多次brain scan，睇下係疤定係cancel cell，前者就無事，後者就再開腦咁話 (不過，佢都好肯定係好安全同埋目前情況好穩定wor，仲叫我地好好結埋個婚，度埋honeymoon先約入院tim)



既然都賺左咁多，再多d就當bonus 啦~ 惑覺不知是遲鈍或真的是平靜，只想完成一個心願: 好快，等我地拉埋隻天窗先再算。

....

友達十扑

多謝你的祝賀card, 識左廿幾年, 你撐我我一定知 ^0^





做左人阿媽, 有苦要訴都變得無咁易lu, 我會把握呢個特權, 搵你呻多d XD





祝繼續享受生活~



-------------------------------------------------------------------------------------------------

睇下相啦!!!

...

倒數23日@多謝開會

多謝姊妹團就到時間開會，settle down左 game同大作戰安排既分工，真係超唔話得...希望個日大家都enjoy 啦 ^^

多謝 jenny 既心血作品，簡直愛不釋手~~~


last but not least, 希望黎佬佬身體健康~ 陪小小睇住义燒快高長大~

---

沙沙石石

不知道每逢新人結婚前，係唔係都會有argue, 由籌備到真係埋位個日梗會有分歧, 會懷疑應唔應該結婚架呢?!~



兩家人本來相安無事，上星期因為湊义燒&結婚既問題，關係突然間好緊張，連小小都忍唔住怨左未來99一句. " how come you make my life so difficult?!" "Can everyone just let the things go easier?!"



-------------------------------------------------------------------------------------------------

"你係唔係唔想結婚?"



"你咪諗錯哂啦, 我從來無咁諗過, 今晚同你去relax下啦..."



好在, 陰霾已經過去了~ 舒了一口氣之餘，人都積極了點，起碼黎生病左都對住部電腦搞wedding既野~

我承應轉左入隻牛角度lor~

於是小小為自己做了一個tiny therapy: explorary therapy --嘗試面對自己怕/不想面對的人/事，令本來認為不能接受的心理, 得以重整, 重新改變...

聽落好似好深, 其實好簡單: 我抱左义燒過去未來99屋企, 係廳陪佢傾左1日閒計, 兼同佢帶埋個孫出街食左餐tea~ 大家都好d心情, 自然無介蒂

KO~ 收工~ 四散~ dismiss~

....

識同公仔玩?!

之前拍既，忍唔住要放上黎比契媽們欣賞~ special dedicate to 玲契媽

拍攝日期: 2009年6月15日(9日大)

地點: bb床

角色: 剛睡醒的义燒、勇氣娃娃

聲音演出: 义燒媽蘇小小，婆婆(母后)大人

...

倒數29日

未@好多宗

1. 派哂帖
2. 同兄弟姊妹約開會
3. 開會細節 (division of labour未寫)
4. 同MC夾
5. diy相薄未拆/整, 相未哂
6. 同fotop傾rundown
7. 要唔要日拍夜播
8. 多謝爹娘條片未剪
9. 去教堂&酒樓試音響
10. 未定&未搵哂d歌
11. 整車頭公仔, 花仔花女既花藍未買
12. 小花炮未搵到
13. 間房未佈置
14. 紅傘, 新睡衣未買
15. 當日返男家架車行邊條路呀? 要試車ar
16. 當日有咩"林嬸野"要帶? 邊個幫手帶行理?
17. 邊個做time management?
18. 邊個係音響?
19. 邊個佈置reception? 邊個坐reception?
20. 用咩黎做banquet門口副大畫: 阿卓design既poster定用幾十張貼紙card?

唔駛擺酒就好lah~~~~~~~~~~~~~~~~~~~~~

....

出嫁前一個月@專心做你的奶樽

數字永遠係女性最敏感的題目:

6/6 你有7磅半 (我有~125磅半, 黑眼圈0.5cm厚)

16/6 你有8磅3 (我有~125磅, 黑眼圈1cm厚)

6/7 你有10磅3 (而我. 依舊125磅, 黑眼圈2cm厚)....

食少啖飯都怕你食唔飽...「做人阿媽好偉大...」有d心酸..嗚....

不過, 餵到你肥肥白白又真係幾自豪既...哈

求神拜佛, 咪比我聽到結婚個日有人話我又肥又殘 tim ar, 我實喊比佢睇~~~

滿月

咁就1個月，餵人仔餵左1個月，7/7打針呢日，去健康院拿成績表 (無錯, 有無增磅同增得多唔多就係做人阿媽既成績表) UM....唔錯唔錯, 比出院時重左2.5磅, 姑娘話已經比正常重多左tim...呵~~~ 姑娘同醫生都讚小小叻ar~ 望住佢大比仔多左條摺, 捱多d眼訓都要既~

滿月酒無擺, 下個月結婚要大搞, 所以屋企人話食餐飯就算, 餐飯個個都食得好開心, 但小小就一路食一路"鐘"眼訓lor >*< ...

...

懷念爛訓的日子@3weeks after giving birth

zZZzzzzzzzzZZZZ.......ZZZZZZZZZZ

唔經唔覺生左都3個星期....一句講哂...「忙, 好忙, 非常忙」

仲諗住寫<<生仔實況>>, 有拖無欠, 遲d先再補~!

鳴.....無覺好訓.....殘+唔敢照鏡+更唔得閒減肥(勢估唔到連做下situp都無時間)...結婚個日真係會...出事!!!

講返湊女, 舊义燒真係...好嘈...但好得意...超扭抱...但好嗲....勁多表情...又勁為食....

「無論點, 呢段期間, 我都會專心做你個奶樽架!」

趁佢訓得淋, 小小都揸揸林去訓~

..........